ანანო მირიანაშვილის ბლოგი

11 მაისს გავედით მატარებლით თბილისიდან. მოსკოვი-ბრესტი-პოლონეთი - გერმანია (14.05), ბერლინიდან მანქანებით დრეზდენში. მე და ეროსი მოგვათავსეს ქალაქგარეთ, Motel Dresden -ში. პირველი სპექტაკლი შედგა 15-ში. ს.ჟღენტის „მიწის შვილები“. მაყურებელმა კარგად მიიღო, დიდი ოვაციები გაიმართა, თაიგულები, ყვავილების გადასროლა პარტერში და ა მდაგვარი „მატრაბაზობა“. წარმოდგენის შემდეგ ადგილობრივმა თეატრმა ბანკეტი გაგვიმართა. მგონი, პირველი ნაბიჯი მტკიცედ გადავდგით. ვნახოთ, ხვალ „სიბრძნე“ და „სამანიშვილი“ როგორ გავა. დრეზდენი ძალიან ლამაზი ქალაქი ჩანს, მაგრამ დრო სულ არ არის, რომ დაათვალიერო. გამოფენისთვის დრო ცოტაა, მაგრამ უნდა ხვალ როგორმე ვნახო. ისე, გერმანელებმა კარგი მიღება იციან. 16 მაისი . დღის რეპეტიციის შემდეგ ძალიან მოგვინდა დრეზდენის გამოფენის დათვალიერება, უდიდესი შთაბეჭდილება მივიღე. განსაკუთრებით, ტიციანის, რემბრანდტის, ვან დეიკის, რუბენსის შედევრებით. სამწუხაროა, დრო არა მაქვს, რომ ხანგრძლივად ვიყო და დავათვალიერო. ძალიან სწრაფად, 1 საათში მოვიარეთ - რას იზამ. მაღაზიებში ყ...

1967 წელი რუმინეთი; ოქტომბერი გ. გეგეჭკორი 8 ოქტომბერი დღისით ჩავფრინდით მოსკოვში და 9-ში ღამის 9 საათზე შევუდექით მზადებას გასამგზავრებლად რუმინეთისკენ. სასტუმრო „უკრაინადან“ გავემგზავრეთ შერემეტიევოს საერთაშორისო აეროდრომზე. ორსაათიანი ცერემონიალის შემდეგ, დილის 8.30-ზე ავფრინდით და 3 საათიანი მგზავრობის შემდეგ (ИЛ-18, რომელიც საშინლად ხმაურობდა) ჩავფრინდით ბუქარესტში მშვიდობიანად და კარგად. ჯერჯერობით ერთი გროში არ გვაბადია, ალბათ მერე მივიღებთ რამეს. ბუქარესტი ძალიან ლამაზი ქალაქია, სულ მწვანეშია. მაღალი სახლები ნაკლებად არის, საშუალო და პატარა სახლები, ერთობ ლამაზი, ზოგან თავისი ეზოებით.  თეატრი ძველებურია. ძალზე პატარა სცენით და პარტერით, მაგრამ ლამაზი და თავისებური. ეს არის ნაციონალური თეატრის შენობა. რეპეტიციის შემდეგ სახლში დაგვპატიჟა ფანი ჯინჯიხიშვილმა, სადაც გავიცანით პროფესორი ნანუ (არქიტექტურის და ხელოვნებათმცოდნეობის პროფესორი) დიდი მეგობარი ვახტანგ ბერიძის. ნ.ურუშაძე 9. 10. 67 ბუქარესტი მოსკოვიდან 9.40-ზე გამოვფრინდით. გამოგვისტუმრეს დიდი ნდობით -...